ଈଶ୍ୱରଙ୍କୁ ଦୁଇଟି ପତ୍ର |
FOR ALL TYPE OF VEDIC RELATED QUERIES , ANSWERS AND ITS LOGICAL ANALYSIS AND OTHER RELATED STORIES,
Saturday, September 30, 2023
TWO LETTERS TO THE GOD. TWO TRUE STORIES.
Monday, September 25, 2023
DESCRIPTION OF RATHAS IN RATHA YHATRA.(RATHA UPAKHYANA)
RATHA YATRA |
ରଥଯାତ୍ରା ଉପାଖ୍ୟାନ
କାଳର କରାଳ ଗତଜିକୁ ଉଲଙ୍ଘନ କରି କେଉଁ ଅନାଦି କାଳରୁ ପୁରୀ ଶ୍ରୀକ୍ଷେତ୍ର ନୀଳାଚଳ ପବିତ୍ରତାର ମୂର୍ତ୍ତିମନ୍ତ ପ୍ରତୀକ ରୁପେ ବିଶ୍ୱବକ୍ଷରେ ଦଣ୍ଡାୟମାନ ହୋଇ ସନ୍ଦର୍ପରେ ପତିତପାବନ ବାନା ଉଡାଇ ଚାଲିଛି | ପବିତ୍ର ଭାରତବର୍ଷ ର ମୁଖ୍ୟ ଚାରୋଟି ତୀର୍ଥସ୍ଥାନ ମାନଙ୍କ ମଧ୍ୟରୁ ଏହା ଅନ୍ୟତମ | ଜଗତରନାଥ ଶ୍ରୀଜଗନ୍ନାଥ ଏହି ନୀଳାଚଳ ତୀର୍ଥକ୍ଷେତ୍ର ର ଅଧିଷ୍ଠିତ ଦେବତା | ଶ୍ରୀଜଗନ୍ନାଥ କେବଳ ଉତ୍କଳ ର ନୁହନ୍ତି ସମଗ୍ର ପୃଥିବୀରେ ବିଶ୍ୱବନ୍ଦିତ |ତାଙ୍କର ପବିତ୍ର ଯାତ୍ରାକୁ ରଥଯାତ୍ରା କୁହାଯାଏ |ପୁରୀରେ ତଥା ଉତ୍କଳରେ ଏହି ରଥଯାତ୍ରା ହେଉଛି ସର୍ବପ୍ରଧାନ ଉତ୍ସବ | ଏହି ରଥଯାତ୍ରା କୁ ମଧ୍ୟ ପତିତପାବନ ଯାତ୍ରା ବା ଦଶାବତାର ଯାତ୍ରା କୁହାଯାଏ | ଏହି ରଥଯାତ୍ରା ରେ ତିନୋଟି ରଥର ବ୍ୟବହାର କରାଯାଇଥାଏ ଯାହା ଉପରେ ବସି ମହାପ୍ରଭୁମାନେ ଶ୍ରୀଗୁଣ୍ଡିଚା ମନ୍ଦିରକୁ ନବଦିନ ବ୍ୟାପି ଯାତ୍ରା କରିଥାନ୍ତି |
ରଥ ମାନଙ୍କର ବର୍ଣ୍ଣନା
ଶ୍ରୀ ବଳଭଦ୍ରଙ୍କର ରଥ --ତାଳବଣରେ ଦେବତାମାନେ ଦେଇଥିବା ତାଳଧ୍ୱଜ ରଥର ଆରୋହୀ ହେଉଛନ୍ତି ଶ୍ରୀ ବଳଭଦ୍ର |ଉଚ୍ଚତା 32 ହାତ 10 ଆଙ୍ଗୁଳି |763 ଖଣ୍ଡ କାଠରେ ନିର୍ମିତ |ଏହି ରଥରେ 14 ଗୋଟି ଚକ ରହିଛି,ରଥ ରକ୍ଷକ ବାସୁଦେବ,ଆୟୁଧ-ହଳ ମୁଷଳ,ଭଦ୍ର ପିଠ-ଅଷ୍ଟଦଳ ପଦ୍ମ,ରଥାବରଣ-ରକ୍ତନୀଳ,ରଥ ଦେବତା-ଅନନ୍ତନାଗ,ରଥ ପାର୍ଶ୍ଵଦେବତା-ପ୍ରାଣାମ୍ବରୀ, ଗଦାନ୍ତକାରୀ, ହରିହର, ତ୍ରମ୍ବକ, ବାସୁଦେବ, ନାଟାମ୍ବର, ଅଘୋର, ତ୍ରିପୁରାଶିବ, ସାରଥୀର ନାମ-ମାତଳୀ,ରଥ ରକ୍ଷକ-ଭାସ୍କର, ରଥ ଅଶ୍ୱ-ତୀବ୍ର, ଘୋର, ଦୀର୍ଘଶ୍ରମ, ସ୍ବର୍ଣ୍ଣନାଭ|ରଥରଜ୍ଜୁ-ବାସୁକୀ, ରଥମୁଖ-କେତୁଭଦ୍ର,ରଥ ଭୈରବ-କ୍ଷେତ୍ରପାଳ,ରଥ ଗନ୍ଧର୍ବ-ହୁହୁ,ରଥ ଚରଣ-ମହାସିଦ୍ଧ,ଉଲେମି |ଗର୍ଭାଧିଶ୍ୱର ଶକ୍ତି-ତୁଙ୍ଗା, ତୁଙ୍ଗଭଦ୍ରା, ପ୍ରଭା, ସୁପ୍ରଭା, ଧାତ୍ରୀ, ଵିଧାତ୍ରୀ, ନନ୍ଦା , ସୁନନ୍ଦା,|ଋଷିପଟାରେ--ଅଙ୍ଗିରା, ପୁଲସ୍ତ୍ୟ,ପୁଲହ, ଅଗସ୍ତି,କୃଷ୍ଣ, ମୁଦୁଲା, ଆତ୍ରେୟ, କଶ୍ୟପ | ରଥ କୁମ୍ଭର ନାମ-ଭୁବନ,ବିମ୍ବପୃଥିବୀ, ଚକ୍ରାୟୁଧ, ହୁଂ ବୀଜ| ଦ୍ୱାରପାଳ-ନନ୍ଦ, ସନନ୍ଦ | ନେତ୍ରର ନାମ--ଉନ୍ନତି |ରଥାରୁଢ଼-ଶ୍ରୀ ବଳଭଦ୍ର|
ଶ୍ରୀ ସୁଭଦ୍ରାଙ୍କର ରଥ-- ଦେବତା ମାନଙ୍କଦ୍ୱାରା ପ୍ରଦତ୍ତ ଦେବୀ ସୁଭଦ୍ରାଙ୍କର ରଥର ନାମ ଦର୍ପଦଳନ | ରଥର ଉଚ୍ଚତା 31 ହାତ | 593 ଖଣ୍ଡ କାଷ୍ଠରେ ନିର୍ମିତ |12 ଚକ ବିଶିଷ୍ଟ ଏହି ରଥର ରକ୍ଷକ ହେଉଛନ୍ତି ଜୟଦୁର୍ଗା |ଧ୍ଵଜଧିପତି- ତ୍ରିପୁରାସୁନ୍ଦରୀ,ଆୟୁଧ-ପଦ୍ମ, କୁହାର, r ରଥାବରଣ-ଲୋହିତକୃଷ୍ଣ, ରଥ ଦେବତା - ଭକ୍ତି, ସୁମେଧ| ରଥ ପାର୍ଶ୍ଵଦେବତା--ବିମଳା, ଚାମଣ୍ଡ, ଭଦ୍ରକାଳୀ, ହରଚଣ୍ଡୀକା, ମଙ୍ଗଳା, ବାରାହୀ, କାତ୍ୟାୟନୀ, ଜୟଦୁର୍ଗା, ଓ କାଳୀ |ସାରଥୀର ନାମ - ଅର୍ଜୁନ |ରଥ ରକ୍ଷକ -ଉଗ୍ରଚଣ୍ଡୀ| ଏ\ଏହି ରଥର ଚାରିଗୋଟି ଅଶ୍ୱର ନାମ--ରୋଚିକା, ମୋଚିକା, ଜିତ, ଅପରାଜିତା |ରଥ ରଜ୍ଜୁର ନାମ--ସ୍ଵର୍ଣଚୂଡ଼ ନାଗ |ରଥଦେବୀ -ଶ୍ରୀଭୁ, ରଥଗନ୍ଧର୍ବ--ହାହା, ରଥ ବାରଣ- ମହାକାର, ରଥ ଯକ୍ଷ-କିଂଜ୍ୱଳିକା,ରଥ ଗର୍ଭଧିଶ୍ୱର-ଶକ୍ତି, ସପ୍ତ,ସୂକ୍ଷ୍ମ, ଜୟା, ବିଜୟା, ଘୋର, ଅଘୋରା,ଜ୍ଞନା | ଋଷିପଟାର--ଭୃଗୁ, ସୁପ୍ରଭା, ବଜ୍ର, ଶୃଙ୍ଗା, ଧୃବ, ଉଲ୍ଲଙ୍କ |ରତଘା କୁମ୍ଭର ନାମ-ଅମୃତା,ଜିବା,କାୟା, ହ୍ରବୀଜ |ଦ୍ୱାରପାଳିକ--ଗଙ୍ଗା,ଯମୁନା |ନେତ ର ନାମ--ନାଦମ୍ବିକ|ରଥାରୁଢ଼ା-ଦେବୀ ସୁଭଦ୍ରା |
ଶ୍ରୀ ଜଗନ୍ନାଥ ଙ୍କର ରଥ--ଇନ୍ଦ୍ରଙ୍କର ପ୍ରଦତ୍ତ ଶ୍ରୀଜଗନ୍ନାଥ ଙ୍କର ରଥର ନାମ ନନ୍ଦିଘୋଷ | ରଥର ନାମ 33 ହାତ 5 ଆଙ୍ଗୁଳି |832 ଖଣ୍ଡ କାଷ୍ଠାରେ ନିର୍ମିତ | 16 ଚକ ବିଶିଷ୍ଟ ଏହି ରଥର ରକ୍ଷକ-ଗରୁଡ | ଧ୍ଵଜାଧିପତି--ହନୁମାନ,ଆୟୁଧ-ଶଙ୍ଖ,ଚକ୍ର |ରଥାବରଣ-ରକ୍ତପିତ|ରଥ ଦେବତା--କଲ୍ୟାଣସୁନ୍ଦରୀ,ଶକ୍ତି-ବିମଳା ଓ ବିରଜା, ରଥର ପାର୍ଶ୍ଵଦେବତା -- ହନୁମାମ, ରାମ, ଲକ୍ଷ୍ମଣ, ନାରାୟଣ, କୃଷ୍ଣ, ଗୋବର୍ଧନଧାରଣ,ଚିନ୍ତାମଣି, ରାଘବ, ନୃସିଂହ | ରଥଅଶ୍ୱ-ଶଙ୍ଖ,ହରିଦଶ୍ୱ, ଶ୍ୱେତ, ବଳାହକ|ସାରଥୀର ନାମ-ଦାରୁକ, ରଥରଜ୍ଜୁ-ଶଂଖଚୂଡ ନାଗୁଣୀ, ରଥ ମୁଦ୍ଧିନୀର ନାମ--ନନ୍ଦୀମୁଖ, ରଥଦେବୀ--ଯୋଗମାୟା, ରଥ ଭୈରବୀ-ଏକପାଦ,ନନ୍ଦ ଓ କୁବେର |ରଥୟକ୍ଷ୍--ହର୍ଯ୍ୟକ୍ଷ୍ୟ,ରଥଗର୍ଭଧିଶ୍ୱର--ହିରଣ୍ୟଗର୍ଭ |ରଥଶକ୍ତି ବିମଳା, ଉତ୍କର୍ଷଣୀ, କ୍ରିୟା, ଯୋଗା, ଅଜ୍ଞା, ଅନୁଜ୍ଞା, ପ୍ରଜ୍ଞା, ମେଧା|ଋଷିପଟାରେ-ନାରଦ,ଦେବଳ,ବ୍ୟାସ,ଶୁକ,ପରାଶର,ବଶିଷ୍ଠ,ବିଶ୍ଵାମିତ୍ର,ଇନ୍ଦ୍ର |ରଥ କୁମ୍ଭର ନାମ ହିରଣ୍ୟମୟ, ଦ୍ୱାରପାଳ-ଜୟ ,ବିଜୟ |ନେତର ନାମ--ତ୍ରୈଲୋକ୍ୟମୋହିନୀରଥାରୁଢ଼ --ଶ୍ରୀଜଗନ୍ନାଥ |
(ସଂଗ୍ରାହକ ଓ ଲେଖକ ପ୍ରକାଶ ମିଶ୍ର |ଜ୍ୟୋତିଷ ଓ ସଭ୍ୟ ମୁକ୍ତି ମଣ୍ଡପ ପଣ୍ଡିତ ସଭା ପୁରୀ,ଓଡିଶା |କୌଣସି ପ୍ରଶ୍ନର ଉତ୍ତର ପାଇଁ ଯୋଗାଯୋଗ କରନ୍ତୁ email -pkmspp1975@tgmail.com)
Sunday, September 24, 2023
WHY SARADHABALI IS CALLED SO . (SARADHABALI UPAKHYANA)
ଶ୍ରୀ ଜଗନ୍ନାଥଙ୍କର ସରଧାବାଲି ଉପାଖ୍ୟାନ
ସରଧାବାଲିରେ ଶ୍ରୀଜଗନ୍ନାଥ |
ସରଧାବାଲି
ଶ୍ରୀକ୍ଷେତ୍ର ମଧ୍ୟରେ ଅବସ୍ଥିତ ଶ୍ରୀଗୁଣ୍ଡିଚା ମନ୍ଦିରର ପାଦଦେଶରୁ ବଡଶଙ୍ଖ ପର୍ଯ୍ୟନ୍ତ ବିସ୍ତୃତ ଅଞ୍ଚଳ କୁ ସରଧାବାଲି ଅଞ୍ଚଳ କୁହାଯାଏ |ଏବେ କିନ୍ତୁ ଏଠି ଆଉ ସେପରି ବାଲି ନାହିଁ |ମାତ୍ର ଏହି ବାଲି ରେଣୁ ପବିତ୍ର ଅଟେ |ଏହା ହେଉଛି ମହାପ୍ରଭୁଙ୍କର ଚରଣ ରେଣୁ |ଏହି ବାଲି ରେଣୁକୁ ନେଇ ଭକ୍ତ ଜନମାନେ ମୁଣ୍ଡରେ ଲଗାନ୍ତି |ଦେହରେ ବୋଳି ହୁଅନ୍ତି କାନିରେ ବାନ୍ଧି ନିଅନ୍ତି ଓ ତୁଣ୍ଡରେ ଲଗାନ୍ତି |ଏହି ଶରଧା ବାଲି ହେଉଛି ରାଜା ଇନ୍ଦ୍ରଦ୍ୟୁମ୍ନ , ରାଣୀ ଗୁଣ୍ଡିଚା ଓ ରାଜମାତା ଶ୍ରଦ୍ଧାଦେବୀ ଙ୍କର ପ୍ରିୟସ୍ଥଳୀ | ଏହି ବଳି ହେଉଛି ପରଂବ୍ରହ୍ମ ଙ୍କର ଜନ୍ମସ୍ଥାନ | ଶରଧାବାଲି ର ଉତ୍ତର ଦିଗରେ ଗୁଣ୍ଡିଚା ମନ୍ଦିର ,ଦକ୍ଷିଣରେ ଶ୍ରୀମନ୍ଦିର ,ପୂର୍ବରେ ମହୋଦଧି ଓ ପଶ୍ଚିମରେ ଅଠରନଳା ଅଵସ୍ଥିତ |
ଶରଧାବାଲି ର ଉତ୍ତରକୁ ଥିବା ଶ୍ରୀ ଗୁଣ୍ଡିଚା ମନ୍ଦିର କୁ ଜନକପୁରୀ ବୋଲି କୁହାଯାଏ |ଏଠାରେ ରାଜା ଇନ୍ଦ୍ରଦ୍ୟୁମ୍ନ ଯଜ୍ଞବେଦୀ ନିର୍ମାଣ କରି ଅଶ୍ୱମେଧ ଯଜ୍ଞ କରିଥିଲେ ଓ ଶ୍ରୀଜୀଉ ମାନଙ୍କର ପ୍ରାଣ ପ୍ରତିଷ୍ଠା କରିଥିଲେ | ଏହି ଯଜ୍ଞ ବେଦୀ ର ଅନ୍ୟନାମ ମଧ୍ୟ ଅନ୍ତର୍ବେଦୀ | ଏହି ସ୍ଥାନରେ ମହାପ୍ରଭୁ ମାନଙ୍କର ଯଜ୍ଞକାର୍ଯ୍ୟ ସମାପନ କରାଯାଇ ପ୍ରାଣପ୍ରତିଷ୍ଠା କରାଯାଇଥିଲା | ବର୍ଷକରେ ଥରେ ଏହି ଶରଧାବାଲି କୁ ଅତିକ୍ରମ କରି ମହାପ୍ରଭୁ ଶ୍ରୀଗୁଣ୍ଡିଚା ମନ୍ଦିରରେ ଅନ୍ତର୍ବେଦୀ କୁ ବିଜେ କରିଥାନ୍ତି ଓ ପୁଣି ଶରଧାବାଲି ରେ ତାଙ୍କର ଶ୍ରୀପୟର ଚାଳିତ କରି ରଥାରୁଢ଼ ହୋଇ ଶ୍ରୀମନ୍ଦିର କୁ ପ୍ରତ୍ୟାବର୍ତନ କରିଥାନ୍ତି |ସେଥିପାଇଁ ଏହି ସରଧାବାଲି ପବିତ୍ର ଅଟେ |ଏ ଶରଧାବାଲି ରେ ଭକ୍ତର ପାଦ ପଡିଗଲେ ସେ ଅତି ଉତ୍କଣ୍ଠାର ସହିତ ଏହାକୁ କୋଳେଇ ନିଏ |
କିମ୍ବଦନ୍ତୀ ଅନୁଶାରେ ପୁରୀର ବଡଦାଣ୍ଡ ରେ ଶ୍ରୀଗୁଣ୍ଡିଚା ଓ ମାଉସୀମା ମନ୍ଦିର ର ମଧ୍ୟବର୍ତ୍ତୀ ଅଞ୍ଚଳରେ ଗୋଟିଏ ନଦୀ ବହିଯାଉଥିଲା ଯାହାର ନାମ ଥିଲା ମାଳିନୀ ନଦୀ |ଏହିନଦୀ ବଡଦାଣ୍ଡକୁ ଦୁଇଭାଗ କରୁଥିଲା ଏଣୁ ରଥଯାତ୍ରା ସମୟରେ ମହାପ୍ରଭୁମାନେ ଗୁଣ୍ଡିଚା ମନ୍ଦିରକୁ ଯିବାପାଇଁ ଅସୁବିଧାରେ ସମ୍ମୁଖୀନ ହେଉଥିଲେ | ସେତେବେଳେ ଛଅ ଗୋଟି ରଥର ବ୍ୟବସ୍ଥା କରାଯାଉଥିଲା | ମହାପ୍ରଭୁମାନେ ତିନି ଗୋଟି ରଥରେ ନଦୀକୂଳ ପର୍ଯ୍ୟନ୍ତ ଆସି ଅନ୍ୟ ପାଖରୁ ଆଉ ତିନି ରଥରେ ବସି ଶ୍ରୀଗୁଣ୍ଡିଚା ମନ୍ଦିର କୁ ଯାଉଥିଲେ | ନଦୀ ମଧ୍ୟ୍ୟରେ ନୌକା ରେ ଯାତ୍ରା କରି ଅନ୍ୟପାଖକୁ ଯାଉଥିଲେ | ତେଣୁ ସେତେବେଳେ ରଥଯାତ୍ରା ସମୟ ସାପେକ୍ଷ ଓ ବ୍ୟୟ ସାପେକ୍ଷ ହେଉଥିଲା |ମାତ୍ର ରାଜା ଭାନୁଦେବ (ପ୍ରଥମ ନରସିଂହଦେବ ) ମାଧ୍ଵଚାର୍ଯ୍ୟ ଙ୍କ ପରାମର୍ଶରେ ବଳଗଣ୍ଡି ଠାରେ ମାଳିନୀ ନଦୀକୁ ବାଲିରେ ପୋତି ବଡଦାଣ୍ଡ ନିର୍ମାଣ କରାଇଥିଲେ |ଏହିକାର୍ଯ୍ୟ 1265 ରୁ 1270 ମଧ୍ୟରେ ହୋଇଥିଲା |ଏହି ବଡଦାଣ୍ଡ ଓ ମାଳିନୀ ନଦୀ କୁ ପୋତାଇବା କାମ ରାଜା ଭାନୁଦେବଙ୍କର ରାଣୀ ଶ୍ରଦ୍ଧାଦେବୀଙ୍କର ପ୍ରତ୍ୟକ୍ଷ ତତ୍ୱାବଧାନରେ ହୋଇଥିଲା |ତେଣୁ ତାଙ୍କରି ନାମ ଅନୁସାରେ ଏହି ବଳିର ନାମ ଶରଧାବାଲି ହୋଇଛି| ଏହି ନଦୀଟି ପୋତି ହୋଇଗଲାପରେ ଶ୍ରୀମନ୍ଦିର ଓ ଶ୍ରୀଗୁଣ୍ଡିଚାକୁ ପ୍ରତ୍ୟକ୍ଷ ସଂଯୋଗ ହୋଇପାରିଲା |ଏହାଦ୍ୱାରା ସବୁଦିନପାଇଁ ଜନ୍ମକ୍ଷେତ୍ରରୁ ଲୀଳାକ୍ଷେତ୍ର ପର୍ଯ୍ୟନ୍ତ ଏହି ପବିତ୍ର ମାର୍ଗକୁ ଶ୍ରୀମାର୍ଗ ବା ଶ୍ରୀପଥ ଭାବରେ ଖ୍ୟ|ତହେଲା | ତାଙ୍କ ପୁତ୍ର ଦ୍ଵିତୀୟ ନରସିଂହଦେବ ବଡଦାଣ୍ଡକୁ ସମତୁଲ କରାଇ ପବିତ୍ର ଶରଧାବାଲି କୁ ମୋକ୍ଷ କରିପାରୁଥିବା ତୀର୍ଥରେଣୁ ଭାବରେ ଲୋକ ପ୍ରସିଦ୍ଧି କରାଇଥିଲେ |
(ସଂଗ୍ରାହକ ଓ ଲେଖକ ପ୍ରକାଶ ମିଶ୍ର |ଜ୍ୟୋତିଷ ଓ ସଭ୍ୟ ମୁକ୍ତି ମଣ୍ଡପ ପଣ୍ଡିତ ସଭା ଶ୍ରୀମନ୍ଦିର ପୁରୀ, ଓଡିଶା | ଅଧିକ ଜାଣିବାପାଇଁ ଯୋଗାଯୋଗ କରନ୍ତୁ email --pkmspp1975@gmail.com | ମୁକ୍ତି ମଣ୍ଡପ,ଆପଣମାନଙ୍କର ପୂର୍ବପୁରୁଷ ଙ୍କୁ ଆପଣଙ୍କ ତରଫରୁ ଶ୍ରାଦ୍ଧ ଅର୍ପଣ କରିଥାଏ | ଆଗ୍ରହଥିଲେ ଉପୋରକ୍ତ email ରେ ଯୋଗାଯୋଗ କରନ୍ତୁ )
Friday, September 22, 2023
SOAKED RICE(PAKHALA UPAKHYAN) OF LORD SRIJAGANNATH.
ଟଙ୍କ ତୋରାଣି |
ଶ୍ରୀଜଗନ୍ନାଥଙ୍କ ର ପଖାଳ ଉପାଖ୍ୟାନ |
ଭାରତରେ ତଥା ଓଡ଼ିଶାରେ ପଖାଳ ଏକ ଲୋକପ୍ରିୟ ଖ୍ୟଦ୍ୟ | ଓଡିଶାରେ ପ୍ରାୟତଃ ସମସ୍ତ ଅଞ୍ଚଳରେ ପଖାଳଭାତ ଖାଇବାକୁ ଭଲପାଆନ୍ତି | ଅନ୍ନ ରନ୍ଧା ସରିଲା ପରେ ସେଥିରେ ପାଣି ମିଶାଇ ତୁରନ୍ତ ଖାଇଲେ ତାହାକୁ ଗରମ ପଖାଳ ବା ଚାଇଁ ପଖାଳ କୁହାଯାଏ || ମାତ୍ର ସର୍ବାଧିକ କ୍ଷେତ୍ରରେ ଅନ୍ନ ରେ ପାଣି ଭରଣା କରି ରଖିଦିଆଯାଏ ଓ ଗୋଟିଏ ଦିନ ପରେ ତାହାକୁ ଖିଆଯାଏ \ଏହାକୁ ବାସୀ ପଖାଳ କୁହାଯାଏ |
ବତୁରା ଯାଇଥିବା ମହାପ୍ରସାଦରେ ଦହି,ଟଭାପତ୍ର ,ଲେମ୍ବୁପତ୍ର ,ଲେମ୍ବୁ ,ଭୂର୍ସଙ୍ଗାପତ୍ର,ଗୋଲମରିଚ ,ଅଦା, ଲଙ୍କା, ଇତ୍ୟାଦି ର ମିଶ୍ରଣରେ ଶ୍ରୀମନ୍ଦିର ମଧ୍ୟରେ ଯେଉଁ ପ୍ରସାଦ ମିଳେ ତାହାକୁ ଟଙ୍କତୋରାଣି କୁହାଯାଏ | ପୂର୍ବେ ସ୍ନାନ ମଣ୍ଡପ ପାଖରେ ଭକ୍ତ ମାନଙ୍କୁ ବିନା ମୂଲ୍ୟରେ ଦିଆଯାଉଥିଲା | ଏବେ କିନ୍ତୁ ଏହା ବିକ୍ରି କରାଯାଉଛି | ଓଡ଼ିଆ ମଠ ଓ କବିର ମଠ ଏହାକୁ ବିନା ମୂଲ୍ୟରେ ପ୍ରଦାନ କରନ୍ତି | ଧନୀ ଠାରୁ ଗରିବ ପର୍ଯ୍ୟନ୍ତ ସମସ୍ତେ ପଖାଳ ଭାତ ଖାଇବାକୁ ଭଲ ପାଆନ୍ତି | ବିଶେଷ କରି ଗରିବ ତଥା ଦରିଦ୍ର ଲୋକମାନଙ୍କର ଅତିପ୍ରିୟ ଖାଦ୍ୟ ହେଉଛି ପଖାଳ ଓ ଶାଗଭଜା |ଭକ୍ତ ବିଦୁର ମହାପ୍ରଭୁଙ୍କୁ ସେଇ ପଖାଳ ଓ ଶାଗଭଜା ଦେଇ ତୋଷ କରାଇ ପାରିଥିଲା | ସେଥିପାଇଁ ଯଥାର୍ଥରେ କୁହାଯାଇଛି
" ଭକତ ବିଦୁର ଶାଗଭଜା ଦେଇ ତୋଷାଇ ପାରିଲା ମନ |
ମୁଁ ଯତେ ଦରବ ଯାଚିଲେ କାହିଁକି ନଁଛୁଅଁ ହେ ଭଗବାନ" |
ପଖାଳ ମଧ୍ୟ ମହାପ୍ରଭୁଙ୍କର ଅତିପ୍ରିୟ ଖାଦ୍ୟ | ପ୍ରତ୍ୟେକ ଧୂପରେ ସାମାନ୍ୟ ପଖାଳ ମହାପ୍ରଭୁଙ୍କ ପାଖରେ ଲାଗି କରାଯାଇଥାଏ | ମଧ୍ୟାହ୍ନ ଧୂପରେ ଏଗାର ଓଳି ସୁବାସ ପଖାଳ ଭୋଗ କରାଯାଇଥାଏ | ସନ୍ଧ୍ୟା ଧୂପରେ ଉଣେଇଶ ଓଳି ପଖାଳ ଭୋଗ କରାଯାଇଥାଏ |
ବଡସିଂହାର ବେଶରେ ଯେଉଁ ବ୍ୟଞ୍ଜନ ପରିବେଷଣ କରାଯାଏ ତନ୍ମଧ୍ୟରେ ଏଗାର ଓଳି ମିଠା ପଖାଳ ଓ ଘିଅ ପଖାଳ ମଧ୍ୟ ଭୋଗରେ ରହେ | ପଖାଳର ଚାହିଦା ଓ ପ୍ରସିଦ୍ଧି ଏତେ ବଢ଼ିଗଲାଣି ଯେ ଏବେ ପଞ୍ଚତାରକା ହୋଟେଲ ରେ ମଧ୍ୟ ପଖାଳ ଏକ ଉତ୍ତମ ବ୍ୟଞ୍ଜନ ରୂପେ ପରିଗଣିତ ହେଲାଣି | ଏବେ ଏହି ବ୍ୟଞ୍ଜନ ମଧ୍ୟ ବିଶ୍ୱର ବିଭିନ୍ନ ଦେଶରେ ପ୍ରସିଦ୍ଧି ଲାଭ କଲାଣି | ପଖାଳ ଭାତ ମଧ୍ୟ ସ୍ୱାସ୍ଥ୍ୟ ଗତ ଦୃଷ୍ଟିରୁ ଲାଭପ୍ରଦ ଅଟେ |
ତେବେ ମହାପ୍ରଭୁଙ୍କ ପାଖରେ ଯେଉଁ ପଖାଳ ପୂଜା କରାଯାଏ ତାହାର ସ୍ୱତନ୍ତ୍ର ମାନ୍ୟତା ରହିଛି | ତନ୍ମଧ୍ୟରୁ କେତୋଟି ପଖାଳର ବର୍ଣ୍ଣନା ଏଠାରେ ପ୍ରତିପାଦନ କରାଗଲା |
ସୁବାସ ପଖାଳ -- ଏହି ପଖାଳରେ କଟା ଅଦା , ଭଜାଜିରା , ମିଶାଯାଇ ସୁବାସିତ କରାଯାଏ |ଏହା ଏକ ସୁଙ୍ଗନ୍ଧିତ ଅନ୍ନ ପଖାଳ ହୋଇଥିବାରୁ ପାରମ୍ପରିକ ଭାବରେ ଏହାକୁ ସୁବାସ ପଖାଳ କୁହାଯାଏ |
ଚିପୁଡା ପଖାଳ -- ରନ୍ଧାଯାଇଥିବା ଅନ୍ନକୁ ପାଣି ମିଶାଯାଇ କିଛି ସମୟ ରଖାଯାଇଥାଏ ଓ ପରେ ଉକ୍ତ ଅନ୍ନକୁ ଚିପୁଡା ଯାଇ ବାହାର କରିଦିଆଯାଏ | ପରେ ଏଥିରେ ଭଜାଜିରା ,ଲୁଣ ,ଦହି ,କୁ ମିଶାଇ ପ୍ରସାଦ ଭାବେ ମାଟି ପାତ୍ରରେ ମହାପ୍ରଭୁଙ୍କୁ ଲାଗି କରାଯାଏ |
ପାଣି ପଖାଳ -- ରନ୍ଧାଯାଇଥିବା ଅନ୍ନରେ କେବଳ ପାଣି ଓ ଲୁଣ ମିଶାଯାଇ ପ୍ରସ୍ତୁତ କରାଯାଇଥାଏ | ଏଥିରେ ଅନ୍ୟ କୌଣସି ଦ୍ରବ୍ୟ ମିଶାଯାଏ ନାହିଁ |
ଦହି ପଖାଳ --ରନ୍ଧାଯାଇଥିବା ଖାଦ୍ୟରେ ପାଣି ବଦଳରେ କେବଳ ଦହିରେ ପଖାଳ କରାଯାଏ | ଏଥିରେ ଦହିର ମାତ୍ରା ଅଧିକ ଥାଏ |ଏହି ପଖାଳରେ ଦହି ବ୍ୟତୀତ ଭଜାଜିରା ଓ ଅଦା ପକାଇ ପ୍ରସ୍ତୁତ କରାଯାଏ |
ମିଠା ପଖାଳ-- ଅନ୍ନରେ ଚିନି ଅଥବା ଗୁଡ ଏବଂ ଭଜାଜିରା,ଲୁଣ,ଅଦାଖଣ୍ଡ ପକାଯାଇ ପ୍ରସ୍ତୁତ କରାଯାଇଥାଏ|
ମଲ୍ଲୀଫୁଲ ପଖାଳ--ଏହି ପଖାଳ ଦହି ପଖାଳ ପରି ପ୍ରସ୍ତୁତ କରାଯାଏ ମାତ୍ର ପଖାଳକୁ ସୁବାସିତ କରିବାପାଇଁ ଏଥିରେ ମଲ୍ଲୀଫୁଲ ପକାଇଦିଆଯାଏ |
ଟଭା ପଖାଳ --ସାଦା ଅନ୍ନରେ ଟଭା ମିଶ୍ରିତ ଜଳ ଦେଇ ପଖାଳ କରାଯାଏ ଏବଂ ମହାପ୍ରଭୁ ଙ୍କୁ ଲାଗି କରାଯାଏ .
ଘିଅ ପଖାଳ--ସାଦା ଅନ୍ନରେ ପାଣି ମିଶାଇ ପଖାଳ କରାଯାଏ | ଏଥିରେ ଲୁଣ, ଅଦା, ଭଜାଜିରା, କଳାଜିରା,ଦହି, ଇତ୍ୟାଦି ମିଶାଇ ସୁବାସିତ କରାଯାଇଥାଏ ଓ ଶେଷକୁ ଘିଅ ପକାଇ ଦିଆଯାଏ ଓ ମହାପ୍ରଭୁମାନଙ୍କୁ ଲାଗି କରାଯାଏ |ଏହି ଘିଅ ପଖାଳର ବିଶେଷତ୍ୱ ଏହିକି ଯେ ଏହା ହେଉଛି ଦିନମାନଙ୍କ ମଧ୍ୟରେ ଶେଷ ଭୋଗ | ଠିକ ପହୁଡ଼ ସମୟରେ ଏହି ପଖାଳ ସହିତ କଦଳୀ ଭଜା ଭୋଗ ଲାଗିଲା ପରେ ମହାପ୍ରଭୁ ମାନଙ୍କର ପହୁଡ଼ ପଡିଥାଏ |
ପଖାଳ ହେଉଛି ଓଡିଶାର ପ୍ରିୟ ଖାଦ୍ୟ | ଓଡ଼ିଆ ମାନେ ଯାହା ଖାଇବାକୁ ଭଲପାଆନ୍ତି ମହାପ୍ରଭୁ ଶ୍ରୀ ଜଗନ୍ନାଥ ସେ ସବୁକୁ ନିଜର ଦୈନନ୍ଦିନ ଛପନ ଭୋଗରେ ଅନ୍ତର୍ଭୁକ୍ତ କରାଇ ଅଛନ୍ତି|ଦୀନ ଦରିଦ୍ର ଙ୍କ ଠାରୁ କୋଟିପତି ପର୍ଯ୍ୟନ୍ତ ସମସ୍ତେ ପଖାଳ ଖାଇ ଆତ୍ମବିଭୋର ହୋଇ ଉଠନ୍ତି |ଓଡ଼ିଶାରେ ପଖାଳ ଭାତ ସହିତ ଶାଗଭଜା ବଡିଚୁରା ,ସୋରିଷ ଫୁଟାଇନଥିବା ଡାଲି ,ଭଜା, ଚଟଣି, ଦହି ଇତ୍ୟାଦି ସହିତ ମିଶାଇ ଖିଆଯାଏ
ବିଶେଷଜ୍ଞ ମାନଙ୍କ ମତରେ ପଖାଳ ଭାତ ରେ ପ୍ରୋବାଓଟିକ ଜୀବାଣୁ ଥିବାରୁ ଏହା ସ୍ୱାସ୍ଥ୍ୟ ପକ୍ଷେ ଲାଭଦାୟକ ଏବଂ ତରଳ ଝାଡ଼ା ହେଉଥିବା ସମୟରେ ବାସୀ ପଖାଳ ଖାଇଲେ ତାହା ସାଙ୍ଗେସାଙ୍ଗେ ଭଲ ହୋଇଯାଏ ଏବଂ ଦେହକୁ ଜଳୀୟ ଅଂଶ ଯୋଗାଇଥାଏ | କବିଚନ୍ଦ୍ର କାଳିଚରଣ ପଟ୍ଟନାୟକଙ୍କର ଗୀତ କବିତା "ଆସ ଜୀବନଧନ ମୋର ପଖାଳ କଂସା" ସୁଗାୟକ ବାଳକୃଷ୍ଣ ଦାସଙ୍କ କଣ୍ଠରେ ଓଡ଼ିଆ ମାନଙ୍କ ଦ୍ୱାରା ବହୁଳ ଭାବରେ ଆଦୃତ |
(ସଂଗ୍ରାହକ ଓ ଲେଖକ ପ୍ରକାଶ ମିଶ୍ର | ଜ୍ୟୋତିଷ ଓ ସଭ୍ୟ ମୁକ୍ତି ମଣ୍ଡପ ପଣ୍ଡିତ ସଭା ଶ୍ରୀମନ୍ଦିର ପୁରୀ|କୌଣସି ପ୍ରଶ୍ନର ଉତ୍ତର ପାଇଁ ଯୋଗାଯୋଗ କରନ୍ତୁ email --pkmspp1975@gmail.com |ମୁକ୍ତି ମଣ୍ଡପ ରେ କୌଣସି ବ୍ୟକ୍ତିଙ୍କର ପୂର୍ବପୁରୁଷ ମାନଙ୍କୁ ଉକ୍ତ ବ୍ୟକ୍ତିଙ୍କ ତରଫରୁ ଶ୍ରାଦ୍ଧ ଦିଆଯାଇଥାଏ |ଆଗ୍ରହ ଥିବା ବ୍ୟକ୍ତି ଉପୋରକ୍ତ email ରେ ଯୋଗାଯୋଗ କରନ୍ତୁ|ନଚେତ ଆମଙ୍କୁ ମୋବାଇଲ ନମ୍ବର ଦେଇପାରନ୍ତି ଅଥବା comment ରେ ଲେଖି ପାରନ୍ତି |)
Thursday, September 21, 2023
WHY JAGANNATH IS CALLED AS PATITAPABAN (ODIA LANGUAGE)
ପତିତପାବନ ରୂପରେ ପ୍ରଭୁ ଜଗନ୍ନାଥ |
-
ପତିତପାବନ ରୂପରେ ପ୍ରଭୁ ଜଗନ୍ନାଥ ପୁରୁଷୋତ୍ତମ କ୍ଷେତ୍ରରେ ଶ୍ରୀ ମନ୍ଦିରରେ ସତଚିଦାନନ୍ଦ ପରଂବ୍ରହ୍ମ ସ୍ୱୟଂ ଶ୍ରୀ ଜଗନ୍ନା...